ഇന്ന്  മുതൽ 
ലാൽസലാം 

    മലയാളത്തിന്റെ  പ്രിയ താരം മോഹൻലാൽ ആദ്യമായി മിനി സ്ക്രീനിൽ എത്തുന്ന അമൃത ടി വിയുടെ  ലാൽസലാം  എന്ന കമ്പ്ലീറ്റ്  എന്റർടയിൻമെന്റ്   ടി വി  ഷോ  ഇന്ന്  സംപ്രേഷണം  ആരംഭിക്കുന്നു.  തികച്ചും  വേറിട്ടൊരു  ദൃശ്യ അനുഭവം  കേരളത്തിന്‌  സമ്മാനിക്കുന്ന  തരത്തിലാണ്‌  ഈ  ഷോ  ഒരുക്കിയിട്ടുള്ളത്.  മോഹൻലാലിനു  പുറമേ സംഗീത ലോകത്ത്  മലയാളിയുടെ  ഹരമായ  സ്റ്റീഫൻ ദേവസിയും  നടി  മീര  നന്ദനും  ലാൽ സലാമിലെ  സ്ഥിരം സാന്നിധ്യമാണ്.  മലയാളത്തിലെയും തമിഴിലെയും ഏതാണ്ട്  എല്ലാ താരങ്ങളും ലാലിനൊപ്പം  ലാൽസലാമിൽ പങ്കെടുക്കുന്നുണ്ട് എന്നതാണ്‌  ഈ  പരിപാടിയുടെ  മറ്റൊരു  പ്രത്യേകത.  ഇതിനെല്ലാം  പുറമേ  മറ്റൊരുപാട്  വിസ്മയങ്ങളും  ലാൽ സലാമിൽ  ഉൾപ്പെടുത്തിയിട്ടുണ്ട്.
 എല്ലാ  ആഴ്ചകളിലും  വെള്ളി,  ശനി  ദിവസങ്ങളിൽ  രാത്രി  8 മണിക്ക്  അമൃത  ടി വി  ലാൽ സലാം  സംപ്രേഷണം  ചെയ്യുന്നു.

മിണ്ടാപ്രാണി 

                                                                     

   കഴിഞ്ഞ ദിവസം സന്ധ്യാനേരം. പാറുവിന്റെ ശബ്ദം വീട്ടിൽ ഉയർന്നു കേട്ടു....

    "ചേട്ടാ...."

    "എന്താ വാവേ " ഉണ്ണിക്കണ്ണൻ ഓടി ചെന്നു...

    "ചേട്ടാ... ഇതാണോ ഈ മിണ്ടാപ്രാണി..."   നടന്നു  വന്നപ്പോൾ അവളറിയാതെ   ചവിട്ടേറ്റ്  നിലത്ത് കിടന്നിരുന്ന ഒരു ഈയലിനെ ചൂണ്ടി കാട്ടി  അവൾ ചോദിച്ചു.

    "അതെ വാവേ... ഇതും ഒരു മിണ്ടാപ്രാണി ആണ്... " ഉണ്ണിക്കണ്ണൻ മറുപടി നൽകി...

    "അയ്യോ... ചേട്ടാ... എനിക്കറിയില്ലായിരുന്നു , ഇതാണ് മിണ്ടാപ്രാണിയെന്ന്... അച്ഛൻ  പറഞ്ഞിട്ടുണ്ട് മിണ്ടാപ്രാണികളെ കൊല്ലരുതെന്ന്... ഞാനറിയാതെ ചവിട്ടിയതാ... ഇനി എന്ത് ചെയ്യും? " പാറു ചോദിച്ചു...

     "സാരമില്ല വാവേ..." ഉണ്ണിക്കണ്ണൻ മറുപടി നൽകി. ജീവിതത്തിൽ ആദ്യമായി മിണ്ടാപ്രാണിയെ കണ്ടുമുട്ടിയ ആശ്വാസത്തിൽ, ഇനി  മിണ്ടാപ്രാണിയെ കൊല്ലില്ലെന്ന തീരുമാനവുമായി പാറുക്കുട്ടിയും നടന്നു... ടി.വിയുടെ മുന്നിലേക്ക്...